Mýrisnípa.

Sælir félagar.

ATH, dökkletrað eru linkar

Hún staldraði stutt við fréttin sem birtist á mbl.is fyrir skömmu. Að mínu mati er þessi frétt athygliverð í ljósi afstöðu íslenskra stjórnvalda undanfarin ár á nýtingu ákveðinna náttúruauðlinda sem tengjast skotveiðum.

Ef þið hafið ekki gefið ykkur tíma í að lesa fréttina þá er hún í grófum dráttum um að Evrópubandalagið er að styrkja verkefni sem kallast North-hunt sem Íslendingar eru aðilar að og gengur í grófum dráttum út á eftirfarandi málefni.

““Skotveiðitengd ferðaþjónusta í Norður Evrópu getur skapað atvinnu í dreifbýli. Félagslega, vistfræðilega og hagfræðilega sjálfbær starfsemi er mikilvægur hluti af lífsviðurværi á norðurslóðum. North Hunt hefur þessa þrjá þætti að leiðarljósi í samstarfi sérfræðinga og frumkvöðla í fimm löndum. Markmiðið er að búa til leiðbeiningar fyrir þróun skotveiði-tengdrar Á þessum ferðaþjónustu.””

Fyrir rúmum tíu árum síðan reyndi Skotvís að fá undanþágu á veiðum á mýrisnýpu.Skotvís birti viðtal við þáverandi umhverfisráðherra Guðmund Bjarnason um málefnið. Eftirfarandi kom fram í þessu viðtali við ráðherrann.

“”Finnst þér að leyfa eigi veiðar á hrossagauk og munt þú beita þér fyrir því að þær geti hafist?

Það er ljóst að hrossagauksstofninn er stór og þyldi líklega einhverja veiði. Meginhluti hrossagauka fer hins vegar tiltölulega snemma af landinu og veiði á honum þyrfti því að hefjast snemma og hefði í för með sér truflun fyrir aðra mófugla. Andstaða gegn slíkum veiðum er líklega einna helst tilfinningalegs eðlis, hrossagaukurinn hefur verið friðaður á Íslandi frá alda öðli og veiðar á mófuglum myndu vafalítið mæta mikilli andstöðu, jafnvel þótt að sumum öðrum þjóðum, sérstaklega á meginlandi Evrópu, þyki þær sjálfsagðar. Ólíkt því sem gildir um súluna, þá er engin heimild í lögum til þess að aflétta banni á hrossagauk og því þarf að breyta lögum á Alþingi til að veiðar gætu hafist””

Í dag verður þetta að teljast rýr málflutningur ef tillit er tekið til eftirfarandi þátta.

• Skotvís var ekki að biðja um undanþágu til að hefja veiðar á öðrum tegundum mófugla.

• Greinilegt var að ráðherrann var búin að gefa sér fyrirfram ákveðnar hugmyndir um það tímabil sem veiðarnar áttu að fara fram á og virðist einnig hafa fylgst náið með umferð mýrisnýpna frá landinu.

• Íslendingar hafa nýlega hafið hvalveiðar og ekki er hægt að segja að mikil hrifning hafi verið í alþjóða samfélaginu eða meðal ákveðins hluta íslensku þjóðarinnar um veiðarnar.Hægt er að fullyrða að veiðarnar voru settar á í trássi við td fyrirtæki sem tengjast ferðaþjónustu í landinu sem eiga ríkra hagsmuna að gæta.

• Getur verið möguleiki á að ef danir hefðu ekki opnað markað fyrir íslensku rjúpuna á sínum tíma að bannað væri að skjóta rjúpur á Íslandi í dag þar sem engin hefð væri fyrir veiðunum og þar að auki er rjúpan fallegur fugl sem gerir engum mein?

• Eftirfarandi heimildir eru teknar af heimaslóð.is

“”Fuglinn kemur í apríl eftir vetrardvöl á Írlandi en þangað fer mest af fuglunum sem eiga sumardvöl hér á Íslandi””

• Írland ásamt öðrum EU ríkjum leyfa veiðar á flestum tegundum snýpna og þmt eru veiðar leyfðar úr íslenska mýrisnípustofninum.Reyndar er rík hefð fyrir veiðum á mörgum tegunda snýpna og þá sérstaklega í ríkjum í suður og mið Evrópu og Bretlandseyjum ásamt veiðum í Danmörku.

Reyndar er möguleiki á að ef Íslendingar væru aðildarríki að EU þá væru líkur á að þetta fyrirkomulag væri brot á jafnræðisreglu stjórnarskrár EU þar sem íslensk stjórnvöld eru að meina íslenskum skotveiðimönnum ásamt aðilum í ferðaþjónustu aðgengi að náttúruauðlind án fræðilegs rökstuðnings á meðan aðrar þjóðir innan EU eiga greiðan aðgang að auðlindinni.

Ísland getur verið mjög áhugaverður kostur jafnt fyrir innlenda sem og erlenda veiðimenn sem hafa áhuga á að veiða mýrisnípur. Samkvæmt heimildum frá leiðsögumanni sem leiðbeindi erlendum skotveiðimönnum við gæsaveiðar hér á landi fyrir nokkrum árum síðan þá sýndu margir af veiðimönnunum mýrisnýpunni mikið meiri áhuga en gæsinni og höfðu á orði hvað allar aðstæður til veiðanna hér á landi séu ákjósanlegar.

Á heimasíðu BASC er hægt að sjá veiðitímabilið á mýrisnípu á Bretlandseyjum en mýrisnýpan er kölluð common snipe á ensku.

Kannski finnst einhverjum ykkar athyglivert að lesa kafla úr Bernarsamningnum sem snýr að verndun villtra plantna og dýra en samningurinn var undirritaður með ákveðnum fyrirvörum að Íslands hálfu árið 1979.

Á þessum link er ræða sem Halldór Blöndal hélt á Alþingi þann 7 Febrúar 2006 um Vernd, friðun og veiðar á villtum fuglum og villtum spendýrum. Á þessum sama link er einnig ræða sem Jón Bjarnason alþingismaður hélt um sama málefni. Einnig er hægt að hlusta á ræðurnar með því að klikka á hlusta.

Hérna er linkur sem einnig viðkemur vernd,friðun og veiðum á villtum fuglum og spendýrum.

Kveðja.
F.G.