Endurbættar Veiðiprófsreglur.

Sælir félagar.

Í gær komu fram upplýsingar á Hlaðlistanum um að stjórn FHD væri búin að gera breytingar á veiðiprófsreglum fyrir tegundahóp 7.
Helstu tíðindin við þessar breytingar eru að samkvæmt nýju reglunum verða auknar kröfur gerðar til veiðimeistaratitills ásamt því að ekki er lengur gerð krafa um að hundur sé greindur án mjaðmalos til að öðlast veiðimeistaratitil.

Samkvæmt nýju reglunum verður hundur að hljóta að minnsta kosti ein heiðursverðlaun í unghunda flokk eða opnum flokk til að öðlast nafnbótina íslenskur veiðimeistari. Þetta verður að teljast væg krafa ef samanburðar er gætt við reglur hinna Norðurlandanna.

Að mínu mati er þessi breyting af hinu góða þar sem ekki hefur verið hægt að gera raunhæfan samanburð á gæðum íslenskra veiðimeistara og á veiðimeisturum td í Noregi en við byggjum okkar regluverk á norskum reglum. Í Noregi er þátttaka í veiðiprófum mjög mikil og öll próf eru nánast fullbókuð. Þetta gerir það að verkum að eftir því sem fleiri hundar taka þátt því erfiðara getur verið að ná árangri.

Í Noregi verður hundur að vinna sér inn ákveðið mörg CACIB til að öðlast veiðimeistaratitil. Yfirleitt eru CACIB veitt eftir kúnstarinnar reglum og þá eingöngu í stórum veiðiprófum sem standa jafnvel yfir í þrjá daga þar sem stundum hundruð hunda taka þátt. Það gefur augaleið að slíkar reglur eru eru tæpast framkvæmanlegar hér á Íslandi sökum smæðar okkar.

Ákvörðun stjórnar FHD um þessa tilteknu reglubreytingu er að reyna samræma okkar reglur við reglur hinna Norðurlandanna en í stað þess að taka upp CACIB reglur er krafa um heiðursverðlaun tekin upp. Þetta form er auðveldara viðfangs og skilar sér skerfi nær hvað varðar samræmingu á gæðum íslenskra veiðimeistara við veiðimeistara á hinum Norðurlöndunum.

Varðandi breytingu á reglum um mjaðmalos er það einnig til samræmingar á reglum hinna Norðurlandanna þar sem ekki er gerð krafa um slíkt.

Ég var einn af stofnendum VHD árið 1994. Þá var ákveðið að taka upp sama regluverk og kröfur sem eru við lýði í Noregi. Ákveðið var að við vildum engan afslátt eða auknar kröfur. Nú hefur stjórn FHD reynt að sníða þá annmarka af eins vel og hægt er og samræmt okkar regluverk við regluverk hinna Norðurlandanna.

Til gamans má geta að ef þessar nýju reglur hefðu verið settar strax í byrjun og þá hefðu íslenskir veiðimeistarar í dag verið samtals fimm í stað tólf eins og þeir eru í dag. Af þessu fimm hundum væru tveir enskir setar veiðimeistarar samkvæmt nýju reglunum.

Kveðja.

F.G.

Sælir félagar.

Aðeins frekar varðandi þessa HD umræðu og nýju veiðiprófsreglurnar. Ef menn eru sammála um að elta ekki Noreg og hafa HD ákvæðið áfram í veiðiprófsreglunum, á hvaða forsemdum var þá krafan um alhliðaprófið tekið út úr veiðiprófsreglunum á sínum tíma?

Kveðja.
F.G.

Sælir piltar!

Ég er nú á þeirri skoðun að mér finnst frábært að þetta HD ákvæði sé úti. HD og hæfileikar eiga ekkert sameiginlegt ekki frekar en litur og hlaupahraði. Í veiðiprófum er verið að leita að hæfileikaríkustu hundunum og engu öðru. Síðan höfum við sýningar til að finna út þá fallegustu og að lokum dýralækna til að segja til um heilbrigðið.
Ef ég skil þetta rétt þá geta menn í Noregi valið um að nota 1 einkunn í alhliðaprófi í staðinn fyrir CACIT í venjulegu þannig að hundar sem hefðu ekki framúrskarandi stíl og þokka þannig að dómari veitti þeim heiðursverðlaun í opnum flokki en væru samt framúrskarandi veiðihundar þá geta þeir samt orðið veiðimeistarar. Spurning hvort þetta komi þá ekki inn næst þegar reglurnar verða yfirfarnar?

Bestu kv.
Finnski